ما فهمت والو

بسم الله الرحمن الرحيم
جيتكم بموضوع حصل لي
لاخذ رايكم
انا كيما تعرفو تخصصي رياضيات
كنت معنية بالمسابقة الي جرات يوم 12 اوت
الخاصة بتوظيف الاساتذة
نظت بكري والدموع قريب تنزل لانو علابلكم بلي في رمضان
نسهرو والنوظان ع الثمنية صعيييييييييييييييب
المهم وصلت للمدرسة لقيت الاف الشباب
قعذت معاهم نستنى المشرفين على المسابقة
واللي مجاوش حتى كنا تحرقنا بالشمس والله تقول كنا قاعدين على شط البحر الشمس تصرع
التاسعة وحاجة جاو طلع واحد فوق الطابلة في لاكور وناذ يعيط بالاختصاص والرقم
حنا شفنا هاذ الشوفة قريب تغاشينا
تخيل في عدد ناس بالالاف وواحد يعيط بصوته
حد ما سمع حد
بصح ختكم جاب ربي عندها موهبة قراءة الشفاه
تبعت فمو كي قال رياضيلت الرقم الفلاني قلت فرجت
فت في نص الغاشي بالسيف ما وصلت للباب
طلعت للقسم الخاص بافوج ديالي دخلت قعدت
كي جاو يبداو ظهروا الارقام تاعنا غالطين
اجريو عند الشاف
بعد ربع ساعة رجع قالو تبع الاسماء برك
كي جات دالتي
قالي واش من دبلوم عندك
قتلو دراسات عليا رياضيات
قالي علاه اخترتي التعليم
قتلو افضل مهنة للمرأة
قالي على كم تحصلت الجزائر على ميدالية في الاولمبياد؟
انا طبعا خاطيكم غير الرياضة حد ما يفوتلي فيها
فمابالك بلادي اللي تلعب
قتلو ميدالية ذهبية
قالي لا احسبيلي حتى البرونزيات والفضيات
قتلو لا يوجد هي ذهبية وحيدة
قالي خلاص
خرجت من عندو كي اللي شرب حاجة زاطلة ع الاخر
انا كاين اللي قالي هذا سؤال عادي يدخل ضمن الثقافة العامة
منكذبش عليكم ماقتنعتش جاني سؤال لللهو جابونا يتمسخروا بينا
او انتاقمو منا لانو الوزارة خدمتهم في رمضان
انا نقولو طاح فيا رياضية بامتياز عندي الاخبار كل ولا الجزيرة الرياضية
بصح لو كان طاح في وحدة لا تحب الرياضة وهذا حال معظم نساء الجزائر
واش يكون جوابها وواش ينقطها؟
اريد اراءكم

[ندعوك للتسجيل في المنتدى أو التعريف بنفسك لمعاينة هذه الصورة]
هههههههههههههههههه
موضوع مميز أختي كنزة
ربما الأستادا الدي سألك هدا السؤال أراد أن يستفزك بطريقته الخاصة فيدخل الرياضة في الرياضيات رغم أن لاشيئ يجمع بينهما
هي ميدالية دهبية وحيدة حقيقة لكنها تعني الكثير للجزائر الأم الغالية
هي تحية تقدير للبطل الأولمبي توفيق مخلوفي ولك من سانده وشجعه وفرح بنتائجه

[ندعوك للتسجيل في المنتدى أو التعريف بنفسك لمعاينة هذه الصورة]

شكرا يا اخي
والله انا ميش فرحت برك نضت نزغرد
وتفرجت السباق شحال من مرّة
والله فرحنا ربي يفرحو
ولو كان مننجحش نطعن انا جاوبت صحبح
ونقولهم عيطو لمخلوفي يشهد

» نكـت للبنات ..وما تديرو والو في بالكم ؟!