طعنتك ضيف و قلبي حاتم

--------------------------------------------------------------------------------

مدخـل ،

الحزن في غيبتك له لون داكن ..
مات قلبي ويحسبوني الناس حي
كنت عايش إيه فـ غيابك / ولكن ..
فاقد إحساسي بحياتي وكل شي

▫▪₪▪▫

{.. آلًسٌٍلآٍمٌ عًلْيٌكُمِ ..

••-------------------------••

مســآئكم طُهر و و نقآء / صبـاحكم سعدٌ و هنآء ..

mms للشاعر أحمد الصانع ..

▫▪₪▪▫

[ندعوك للتسجيل في المنتدى أو التعريف بنفسك لمعاينة هذه الصورة]

أجيك .. أسأل .. أحبك ! .. وإنت ماتدري
أشتاق / أوله عليك / و أكتم أسراري ,

( أراقبك ) من بعييد آحسّك بـ صدري !
أسولف لـ " صورتك " عن : آخر أخباري

أشاورك باللي يطري . و إللي مايطري .
- أشتتك – أجمعك – تتشتت أفكاري !

..... ساعات أزعل عليك و ينكسر صبري
و ساعات ..... أخطي بـ [ حقك ] و أنزف أعذاري ,

بيني وبيني . . . ولادة حبي . . . العذري
عني وعنك ؟ تسولف دايم / أشعاري

ما أبيك تدري بـ غلاك و : ينكشف أمري :
حلاته إني – عشقتك . وإنت مو داري !

[ندعوك للتسجيل في المنتدى أو التعريف بنفسك لمعاينة هذه الصورة]

مِسكتك " حلم " في " واقع " رفض يحقق أحلامي
مثل ذاك السراب اللي خذاني بعيد
............... وما نلته !!

عليك اللـه , إرحمني ذبحني . . جرحي الدامي
وسيفٍ رافعه بوجهي عشان أرضيك / عانقتهـ
أشوفك " طيف " وأتخيِّل وجُودك , وإنت قدامي !!
ولكن الغياب أقوى .. صِدمني وقال: ما شفتهـ
لي الله صرت لطعوني ( هَدَفْ ) ولطيبتي الرامي
أنا [ لا طاعني هذا الزمان ] .. ولا بعد طعتهـ !!

[ندعوك للتسجيل في المنتدى أو التعريف بنفسك لمعاينة هذه الصورة]

غيبِتِك [ قسمه ونصيب ]
خلْني أشرَه عـ ( الزمن )
يا حبيبي .. ما هو عيب
إن بكى فينـي .. الوزن
( يا تصيب و يا تخيب )
[ فكره ] .. في بالي تزن
إنتَ [ أكثر ] مِنْ حبيب
إنتَ لي .. معنى ( وطن ) ..!!
يعني مِنْ غيرك " غريب "
ما أساوي .. أي ثمن ..!!
وإنتَ أقرب مِنْ / قريب
[ رمش ] وشعوري جفن
ولما عَن عيني .. تغيب
لا مدينـه .. ولا سكن..!!
مااااتــ .. إحساسي العجيب
وصرت أبحَث عَن كفن.!!
ما هو كل جرحٍ يطيب
وما هو كل حزنٍ : " حزن " ..!!

[ندعوك للتسجيل في المنتدى أو التعريف بنفسك لمعاينة هذه الصورة]

أنا عقلي على درب الجروح فـ غيبتك سايب ..!
______ أنا فيني التعب عايش من رجولي إلين الراس !!

قوي قلبي ,, ولكني أحس / بـ غيبتك هايب !
______ تخيَّل كل ما أصبر على غيابك , تضيق أنفاس !!!

أتوب شلون عن حُبك وغلاك بداخلي شايب ..؟
______ أحبك كل يوم " أكثر " وفيني لك كثير إحساس !

حضورك كان في قلبي جميع الوقت يا غايب ..
______ أنا من وين ما أطالع , أشوفك إنت كل الناس !!

[ندعوك للتسجيل في المنتدى أو التعريف بنفسك لمعاينة هذه الصورة]

تدري ليه أكره غيابك ؟!
...... لأني في الغيبه / أموت
" ضيقتي " بعدك تجيني ,
و ( البُكى ) من غير صوت !

اسأل [ الضيقه ] : بديتي ؟
قالت إنّك فيها .... راضي ! .
دام قلبك صار – بيتي
لا يصير البيت { فاضي }

في غيابك شوف وجهي . . .
أدري متغيِّر عليك ,
كل شي " منّك " وحشني
: كل تفاصيلي تبيك :

ليه أشوفك في ( منامي ) ؟
ودوم أحس إنّي بـ جنبك ؟
لو نويت / أقسى .... بـ كلامي .!
أفقدك أكثر , و أحبك

تدري لو بيدي ؟؟ .. : كرهتك
بس هـ الشي مو بـ إيدي !!
شوف بـ غيابك [ مدحتك ]
وما رضى . يذمِّك قصيدي

[ندعوك للتسجيل في المنتدى أو التعريف بنفسك لمعاينة هذه الصورة]

قـلبي المرسل ؟ .. محاك من الدماغ
طحت من عيني !
و طاحت دمعتين .

ما أطوّلها عليك , بْلا صياغ !!
هي قصيره بس ! تجرح حبتين

: يوم قلبي ذاب في حبك , و زاغ ..
ليه قطَّعته بـ [ إيدك ] قطعتين ؟!
ما مسح لي دمعتي غير .. الشماغ ! .
غلطتي ؟ / طيبي , و غدرك / غلطتين ..

[ندعوك للتسجيل في المنتدى أو التعريف بنفسك لمعاينة هذه الصورة]

ما أبي من زود حُبي .../ أربكك !
لمَّا تسألني أحبك ..؟ قلت " أموت " !!

إنت مثل " الحلم " ولمَّا أمسكك
أدري إنِّك واقع / وتطري البيوت ..

يا عيون الريم وشلون أشبكك ؟!
من يشوفك قال : ما شا الله توت ..!

[ندعوك للتسجيل في المنتدى أو التعريف بنفسك لمعاينة هذه الصورة]

كنت [ هادي ] ....
ومن هدوئك كنت خايف !
كنت [ عادي ] ....
لاشعور ولا عواطف !
وقتها حسيت إن هذا الهدوء ..
مستحيل يمر مايسبق
" عواصف " !
صاب ظني .. ليت ظني كان خايب !
غاب صوتك !!
وإبتعدت وصرت غايب ،
غبت عنّي ....
وغابت أفراحي معاك ،
ليش غبت ؟!
وليش ماعدنا حبايب ؟

[ندعوك للتسجيل في المنتدى أو التعريف بنفسك لمعاينة هذه الصورة]

إختلفنا
وماعرفنا شنهو الراي السديد ..
يا تضحِّي في عنادك ..!
أو أضحِّي في سبيلك !

ليه كل عيد إنتْـفارق ؟!
صرت أكرَه كل عيد !
وإنتْـ فارق .. في [ غلاتك ] ..
وقلبي ما عنده مثيلك !

[ندعوك للتسجيل في المنتدى أو التعريف بنفسك لمعاينة هذه الصورة]

( ثلاثْ أيَّــامْ ) تهجرني ولا بيَّنتْ لِكْــ نزفي
ودُواي اللِّـي تِكاثرْتَـه عَلـيْ وصِرتْ لِي دائي

( ثلاثْ أيَّــامْ ) ما نامَت عيوني وما قِدَرتْ أغفي !!
لي اللـه كِلْ ما حُولي غريبْ وعَالَمِي .. نائي

( ثلاثْ أيَّــامْ )وأنوار المدينه يا الغلا تطفي
وتِعِمْ الظَّلمَه فـي قلب الشوارع وأفقِدْ أضوائي

تِصَدِّق حتَّـى بسماتـي .. أهَلِّـي فِيها وتِقفِّي !
تعـال ولَمْلِمْ جُروحـي ورَتِّبْ فُوضَة أجزائي

يجينـي الجَرَحْ مِنْ إيدكْ .. وأصْفِقْ كَفِّي بكفِّي
أعَزْ أحبابي يطعَنِّـي ويداوي الطَّعْنَه أعدائي !!

( ثلاثْ أيَّــامْ ) تِطْعَنِّي وأنا أشِيلِكْ على كتفي ..

كأنْهَا طَعنِتِكْ
" ضِيفٍ "
وقلبـي .....
حَاتِمْ الطائي
!!

[ندعوك للتسجيل في المنتدى أو التعريف بنفسك لمعاينة هذه الصورة]

لك بقول إللي بقوله .... و أنتـَ حر !
.............. ( ما لفت " غيرك " من الناس / إنتـباهي )
يا [ أحبك موت ] . . . و إلا [ أنتحر ]
.............. يعني إفهَم , يا بشر إن إنتـ : بـاااهي !! .

[ندعوك للتسجيل في المنتدى أو التعريف بنفسك لمعاينة هذه الصورة]

إحنا ما ننْفَعْ نكمّل . . كل واحد له طريق
نخْتلفْ في ألف نقطه وحيل واضح الإختلاف
عيشي من غيري حياتك وإحسبيني لك صديق
مالنا في بعضْ قسمه , وهذا هو حد المطاف
المحبه نهرْ صافي .. وقلبْ إحساسه رقيق
وإنتي تمليك القساوه و نهْر يمليه الجفاف
ليه أحبك وأدري إني في بحر غدْرك غريق
وليه أتصفّح حياتك ؟ دام عذّبني الغلاف
إن عشقتك صدقيني كني عاشقْ لي حريق
الحَطبْ عمري .. وناركْ بس تاكلْ ما تخاف !

[ندعوك للتسجيل في المنتدى أو التعريف بنفسك لمعاينة هذه الصورة]

فاقد الإحساس / ما يعطي القليل
وإن عطيته إحساس قلبك ؟ يقتِلَهــ !!

إيه بـ أرحل والطريق أدري .. طويل ..
مشكلهـ " قربك " .. وبُعدِك مشكلَهـ ..

وإن خذاني المُوت إترك قال وقيل ..
قول هـ الجُمله .. وخطاك محلِّلَه :

[ ربِّي إلهَم أهلهـ الصَبر الجَميل
وإرحمـه يا رب وإحسِن مدخلَه ]

[ندعوك للتسجيل في المنتدى أو التعريف بنفسك لمعاينة هذه الصورة]

موَّت غيابك سوالفـ في [ حشاي ] !
كيف ترضى غيبتك تقسى علي ؟!

ماني متخيِّل أشوفك مو معاي !
ياللي تسوى في عيوني " كل شي " !

الشتا , فرقى عيونك يا دفاي !
ما يموت الحُب ونبض القلب حي !

مخرج ,

أمانه .. كيف تتحمل عيونك لحظة فراقي..؟
وأنا عيني من غيابك حبيبي ( ما تنام الليل )

» كلمات ع جدار قلبي الجريح
» الى الشخص الذي جعل قلبي تائها
» أرسلت لك حبي في خطاب من قلبي
» من صمصوم قلبي الصغنون
» هل تسمح أن أسميك قلبي