عاد الفرح عاد الفرح

عزي لحال اللي غدة منه ريمه "=" عقب العصر والكل بالبر جلاس
في ساعة صارو بحالة جسيمه "=" ضاع الفكر فيها والأرياق يباس
يركض بخطوات ماهي مستقيمه "=" من حرما به قام يمشي بلا أحساس
العين صارت في روءاها عديمه "=" أظلم عليه الليل والكل محتاس
صار الحزن بالكل صورة أليمه "=" أصبح يراودهم شبح خوفة الياس
ليلة قضوها كنهم وسط غيمه "=" غطى الذهول وصار بالقلب هوجاس
سبحان رب حاطها في نعيمه "=" بأرض خلا ما حولها حس وأوناس
من فضل ربي ثم أهل العزيمه "=" اللي فعلهم سايدة قوة الباس
رجال الدفاع أهل المواقف العظيمه "=" اللي فعلهم دوم نرفع به الراس
معهم أهالي تمير ربع الحشيمه "=" أنشهد أن الطيب فيهم من الساس
الطيب فيهم واسم له وسيمه "=" جد بعد جد على العيب ماداس
صفوة رجال ماتعرف الهزيمه "=" عز معرفتهم تزيدك بنوماس
عاد الفرح للقلب من عقب ضيمه "=" ( النوح ) لبسوا بشوفها زين الألباس
صلاة ربي عد ماهل ديمه "=" على نبي بعث من صفوة الناس